(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 243

॥ శ్రీః ॥
1.243. అధ్యాయః 243
Mahabharata - Adi Parva - Chapter Topics
కృష్ణరథమాస్థాయ సుభద్రయాసహ అర్జునస్య ఖాండవప్రస్థం గంతుం యత్నః॥ 1 ॥
Mahabharata - Adi Parva - Chapter Text

వైశంపాయన ఉవాచ। 1-243-0x(1303)(10518)
వృష్ంయంధకపురాత్తస్మాదపయాతుం ధనంజయః।
వినిశ్చిత్య తయా సార్ధం సుభద్రామిదమబ్రవీత్॥ 1-243-1(10519)
ద్విజానాం గుణముఖ్యానాం యథార్హం ప్రతిపాదయ।
భోజ్యైర్భక్ష్యైశ్చ కామైశ్చ స్వపురీం ప్రతియాస్యతాం॥ 1-243-2(10520)
ఆత్మనశ్చ సముద్దిశ్య మహావ్రతసమాపనం।
గచ్ఛ భద్రే స్వయం తూర్ణం మహారాజనివేశనం॥ 1-243-3(10521)
తేజోబలజవోపేతైః శుక్లైర్హయవరోత్తమైః।
వాజిభిః శైవ్యసుగ్రీవమేఘపుష్పబలాహకైః॥ 1-243-4(10522)
యుక్తం రథవరం తూర్ణమిహానయ సుసత్కృతం।
వ్రతార్థమితి భాషిత్వా సఖీభిః సుభగే సహ॥ 1-243-5(10523)
క్షిప్రమాదాయ పర్యేహి సహ సర్వాయుధేన చ।
అనుకర్షాంతపతాకాశ్చ తూణీరాంశ్చ ధనూంషి చ॥ 1-243-6(10524)
సర్వాన్రథవరే స్థాప్య సోత్సేధాశ్చ మహాగదాః॥ 1-243-7(10525)
వైశంపాయన ఉవాచ। 1-243-8x(1304)
అర్జునేనైవముక్తా సా సుభద్రా భద్రభాషిణీ।
జగామ నృపతేర్వేశ్మ సఖీభిః సహితా తదా॥ 1-243-8(10526)
వ్రతార్థమితి తత్రస్థాన్రక్షిణో వాక్యమబ్రవీత్।
రథేనానేన యాస్యామి మహావ్రతసమాపనం॥ 1-243-9(10527)
శైబ్యసుగ్రీవయుక్తేన సాయుధేనైవ శార్ంగిణః।
రథేన రమణీయేన ప్రయాస్యామి వ్రతార్థినీ॥ 1-243-10(10528)
సుభధ్రయైవముక్తే తు జనాః ప్రాంజలయోఽభవన్।
యోజయిత్వా రథవరం కల్యాణైరభిభాష్య తాం॥ 1-243-11(10529)
యథోక్తం సర్వమారోప్య ఆయుధాని చ భామినీ।
క్షిప్రమాదాయ కల్యాణీ సుభద్రాఽర్జునమబ్రవీత్॥ 1-243-12(10530)
రథోఽయం రథినాం శ్రేష్ఠ ఆనీతస్తవ శాసనాత్।
స త్వం యాహి యథాకామం కురూన్కౌరవనందన॥ 1-243-13(10531)
వైశంపాయన ఉవాచ। 1-243-14x(1305)
నివేద్య తు రథం భర్తుః సుభద్రా భద్రసంమతా।
బ్రాహ్మణానాం తదా హృష్టా దదౌ సా వివిధం వసు॥ 1-243-14(10532)
స్నేహవంతి చ భోజ్యాని ప్రదదావీప్సితాని చ।
యథాకామం యథాశ్రద్ధం వస్త్రాణి వివిధాని చ॥ 1-243-15(10533)
తర్పితా వివిధైర్భోజ్యైస్తాన్యవాప్య వసూని చ।
బ్రాహ్మణాః స్వగృహం జగ్ముః ప్రయుజ్య పరమాశిషః॥ 1-243-16(10534)
సుభద్రయా తు విజ్ఞప్తః పూర్వమేవ ధనంజయః।
అభీశుగ్రహణే పార్థ న మేఽస్తి సదృశో భువి॥ 1-243-17(10535)
తస్మాత్సా పూర్వమారుహ్య రశ్మీంజగ్రాహ మాధవీ।
సోదరా వాసుదేవస్య కృతస్వస్త్యయనా హయాన్॥ 1-243-18(10536)
వ్యత్యయిత్వా తు తల్లింగం యతివేషం ధనంజయః।
ఆముచ్య కవచం వీరః సముచ్ఛ్రితమహద్ధనుః॥ 1-243-19(10537)
ఆరురోహ రథశ్రేష్ఠం శుక్లవాసా ధనంజయః।
మహేంద్రదత్తం ముకుటం తథైవాభరణాని చ॥ 1-243-20(10538)
అలంకృత్య తు కౌంతేయః ప్రయాతుముపచక్రమే।
తతః కన్యాపురే ఘోషస్తుములః సమపద్యత॥ 1-243-21(10539)
దృష్ట్వా నవవరం పార్థం బాణఖడ్గధనుర్ధరం।
అభీశుహస్తాం సుశ్రోణీమర్జునేన రథే స్థితాం॥ 1-243-22(10540)
ఊచుః కన్యాస్తదా యాంతీం వాసుదేవసహోదరాం।
సర్వకామసమృద్ధా త్వం సుభద్రే భద్రభాషిణి॥ 1-243-23(10541)
వాసుదేవప్రియం లబ్ధ్వా భర్తారం వీరమర్జునం।
సర్వసీమంతినీనాం త్వాం శ్రేష్ఠాం కృష్ణసహోదరీం॥ 1-243-24(10542)
మన్యామహే మహాభాగే సుభద్రే భద్రభాషిణి।
యస్మాత్సర్వమనుష్యాణాం శ్రేష్ఠో భర్తా తవార్జునః॥ 1-243-25(10543)
ఉపపన్నస్త్వయా వీరః సర్వలోకమహారథః।
హే ప్రయాహి గృహాన్భద్రే సుహృద్భిః సంగమోఽస్తు తే॥ 1-243-26(10544)
వైశంపాయన ఉవాచ। 1-243-27x(1306)
ఏవముక్తా ప్రహృష్టాభిః సఖీభిః ప్రతినందితా।
భద్రా భద్రజవోపేతానశ్వాన్పునరచోదయత్॥ 1-243-27(10545)
పార్శ్వే చామరహస్తా సా సఖీ తస్యాంగనాఽభవత్।
తతః కన్యాపురద్వారాత్సఘోషాదభినిఃసృతం॥ 1-243-28(10546)
దదృశుస్తం రథశ్రేష్ఠం జనా జీమూతనిస్వనం।
సుభద్రాసంగృహీతస్య రథస్య మహతః స్వనం॥ 1-243-29(10547)
మేఘస్వనమివాకాశే శుశ్రువుః పురవాసినః।
సుభద్రయా తు సంపన్నే తిష్ఠన్రథవరేఽర్జునః॥ 1-243-30(10548)
ప్రబభౌ చ తయోపేతః కైలాస ఇవ గంగయా।
పార్థః సుభద్రాసహితో విరరాజ మహారథః॥ 1-243-31(10549)
విరాజతే యథా శక్రో రాజఞ్శచ్యా సమన్వితః।
సుభద్రాం ప్రేక్ష్య పార్థేన హ్రియమాణాం యశస్వినీం॥ 1-243-32(10550)
చక్రుః కిలకిలాశబ్దానాసాద్య బహవో జనాః।
దాశార్హాణాం కులస్య శ్రీః సుభద్రా మద్రభాషిణీ॥ 1-243-33(10551)
అభికామా సకామేన పార్థేన సహ గచ్ఛతి।
అథాపరే తు సంక్రుద్ధా గృహ్ణీత ఘ్నత మాచిరం॥ 1-243-34(10552)
ఇతి సంవార్య శస్త్రాణి వవర్షురభితో దిశం।
ఇతి సంభాషమాణానాం స నాదః సుమహానభూత్॥ 1-243-35(10553)
స తేన జనఘోషేణ వీరో గజ ఇవార్దితః।
వవర్ష శరవర్షాణి న తు కంచన రోషయత్॥ 1-243-36(10554)
ముమోచ నిశితాన్బాణాందీప్యమానాన్స్వతేజసా।
ప్రాసాదవరసంఘేషు హర్ంయేషు భవనేషు చ॥ 1-243-37(10555)
క్షోభయిత్వా పురశ్రేష్ఠం గరుత్మానివ సాగరం।
ప్రేక్షన్రైవకతద్వారం నిర్యయౌ భరతర్షభః॥ ॥ 1-243-38(10556)

ఇతి శ్రీమన్మహాభారతే ఆదిపర్వణి సుభద్రాహరణపర్వణి త్రిచత్వారింశదధికద్విశతతమోఽధ్యాయః॥ 243 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.